ممبئی کے برکت عثمان پٹیل نامی نوجوان بطور ڈیلیوری بوائے ملازمت کرتے ہیں لیک گزشتہ روز جب وہ میرا روڈ علاقے میں سامان کی ڈیلیوری کرنے گئے تو ایک غیر مسلم شخص نے محض اس لیے سامان لینے سے انکار کر دیا کیوں کی ڈیلیوری بوائے مسلم تھا۔
تاہم ڈیلیوری بوائے کی شکایت پر پولیس نے مذکورہ شخص کو مذہبی جذبات مجروح کرنے کے الزام میں گرفتار کر لیا ہے۔
تفصیلات کے مطابق برکت عثمان پٹیل جب میرا روڈ پر واقع جیا پارک نامی بلڈنگ میں سامان کی ڈیلیوری کرنے گیا، گراہک نے اس سے اس کا نام پوچھا، جب نوجوان نے اپنا نام برکت عثمان پٹیل بتایا تو گراہک نے یہ بولتے ہوئے سامان لینے سے انکار کر دیا کہ ہمیں مسلمانوں سے کوئی سامان نہیں لینا۔
یہ بات سنتے ہی ڈیلیوری بوائے برکت عثمان نے اپنے موبائیل میں یہ سارا معاملہ ویڈیو بان کر قید کر لیا اور کاشی میرا پولیس اسٹیشن میں اس کی شکایت درج کروائی جس پر پولیس نے مذہبی جذبات مجروح کرنے کے جرم میں مذکورہ شخص کو گرفتار کر لیا۔
واضح رہے کہ گزشتہ کئی روز سے ملک میں کورونا وائرس کے پھیلاؤ کا الزام مسلمانوں پر لگایا جا رہا ہے جبکہ وزیراعظم نریندر مودی نے اس بات کی مذمت کی تھی کہ کوئی بھی بیماری مذہب دیکھ کر نہیں آتی اور نا ہی بیماری کی وجہ کوئی مخصوص طبقہ ہوتا ہے۔
