اورنگ آباد: کسانوں کا زرعی قوانین کے احتجاج

ریاست مہاراشٹر کے اورنگ آباد شہر میں بھی ہریانہ پنجاب کے کسانوں کے حق میں ضلع کلکٹر آفیس کے باہر احتجاجی دھرنا دیا گیا ۔

احتجاج کرنے والے کسانوں نے مطالبہ کیا کہ مودی حکومت زرعی قوانین کو فوری واپس لے۔ فی الحال مہاراشٹر میں زرعی قوانین نافذ نہیں کیا گیا ہے ۔لیکن مہاراشٹر کے کسان بھی ملک کے کسانوں کے ساتھ کھڑے ہیں۔

پنجاب اور ہریانہ کے کسانوں کے ساتھ یکجہتی کا اظہار کرتے ہوئے مہاراشٹر میں بھی کسان اب احتجاج پر اتر آئے ہیں۔ اورنگ آباد میں سو ابھیمانی شیتکری سنگھٹن کی قیادت میں سینکڑوں کسانوں نے ضلع کلکٹر آفس کے روبرو رات سات بجے سے لیکر صبح سات بجے تک دھرنا دیا ۔

ان کا کہنا ہیکہ یہ ملک کے کسانوں کے حق میں احتجاج کیا جارہا ہے۔ کیونکہ مودی حکومت زرعی قوانین کو کسانوں پر تھوپنا چاہتی ہے، احتجاجیوں کا کہنا ہیکہ فوری زرعی قوانین واپس لیے جائیں۔