اورنگ آباد میں اردو کارواں کی شاخ کا قیام عمل میں آیا۔ اس دوران 'رسم اجراء آغاز سخن مجلہ و جلسہ تقسیم انعامات' کے نام سے ایک پروگرام کا انعقاد کیا گیا۔
اردو محبت کی زبان ہے اردو کا پیغام ہی سراپا محبت ہے لیکن اردو والوں نے ہی اس پیغام کو عام کرنے میں کہیں نہ کہیں کوتاہی کی ہے اس لیے نفرت کی آندھیاں تیز ہوگئی ہیں۔ ان خیالات کا اظہار مولانا آزاد اوپن اردو یونیورسٹی (مانو) کے رجسٹرار ڈاکٹر محمود صدیقی نے کیا۔ وہ اورنگ آباد میں اردو کارواں پروگرام سے خطاب کر رہے تھے۔
بتا دیں کہ اردو کارواں ممبئی کی شاخ کا اورنگ آباد میں قیام عمل میں آیا ہے۔ اس کے افتتاحی اجلاس میں ڈاکٹر محمود صدیقی نے خطاب کرتے ہوئے کہا کہ اردو محبت کی زبان ہے اس کو عام کرنا عوام کا بھی کام ہے۔
پروگرام میں محلہ لائبریری کی روح رواں مریم جمیلہ کی کاوشوں کا اعتراف کرتے ہوئے انھیں تہنیت پیش کی گئی۔ پروگرام میں اردو کارواں ممبئی کے صدر فرید احمد نے کارواں کی کارکردگی پر روشنی ڈالی اور اعزاض و مقاصد کو بیان کیا۔
