ڈسٹرکٹ مجسٹریٹ نے بتایا کہ زلزلے کے جھٹکوں سے کسی بھی طرح کے جانی و مالی نقصانات کی کوئی اطلاع نہیں ہے۔
انہوں نے کہا کہ مقامی تحصیلدار کو گاؤں کا دورہ کرنے کی ہدایت دی گئی ہے کہ کہیں کسی طرح کا نقصان ہوا ہو تو اس کی رپورٹ تیار کی جائے۔
محکمہ موسمیات نے بتایا کہ پالگھر میں زلزلے کے دو مرتبہ جھٹکے محسوس کئے گئے، محکمہ کے مطابق پہلا جھٹکا ایک بجکر تین منٹ پر ریختر اسکیل پر 3.8 شدت کا محسوس کیا گیا جبکہ دوسرا جھٹکا ایک بجکر 15 منٹ پر 3.6 شدت کا محسوس کیا گیا۔
واضح رہے کہ چند روز قبل بھی ضلع میں زلزلے کے جھٹکے محسوس کئے گئے تھے۔
