ممبئی پولیس کے محکمہ ٹریفک نے گزشتہ رات نئے سال کے استقبال کے موقع پر شرا ب پی کر گاڑی چلانے والے 35 افراد کے خلاف کارراوئی کرتے ہوئے انہیں حراست میں لیا ہے۔
کورونا وباء کی وجہ سے ریاست کی مختلف میونسپل حدود میں جاری نائٹ کرفیو اور رات گیارہ بجے کے بعد بیشتر پابندیوں کے بعد اس سال یہ تعداد محض 35 تک ہی رہی جبکہ گزشتہ برس محکمہ ٹریفک نے کل 778 شرابی ڈرائیوروں کے خلاف کارروائی کی تھی۔
ایڈیشنل کمشنر آف پولیس محکمہ ٹریفک پروین پڑول نے بتلایا کہ جمعہ کی صبح چھ بجے تک ٹریفک پولیس نے 35 ایسے افراد کے خلاف کارروائی کی جو دو پہیہ اور چار پہیوں والی گاڑیاں شراب پی کر چلا رہے تھے۔
یہ بھی پڑھیں:گجرات انتخابات میں ایم آئی ایم اپنی قوت دکھائے گی: امتیاز جلیل
