ریاست مہاراشٹر کے ضلع اورنگ آباد کے پُھلمبری تحصیل کے درجنوں گاؤں میں پینے کے پانی کی زبردست قلت محسوس کی جار ہی ہے۔جس علاقے کی عوام کو شدید مشکلات کا سامنا کرنا پڑ رہا ہے۔
علاقے کی پریشان حال عوام نے اورنگ آباد کے ایس ڈی ایم دفتر کے باہر مظاہرہ کیا اور فوری طور پر پانی فراہم کرانے کا مطالبہ کیا۔
اس مظاہرے میں 50 سے زائد گاؤں کے لوگ شریک ہوئے۔
گذشتہ ایک مہینے سے ان علاقوں میں ٹینکر ندارد ہونے سے پینے کے پانی کا مسئلہ پیدا ہوگیا ہے۔
یہ عجیب اتفاق ہے کہ ریاست مہاراشٹر میں برابر بارش ہورہی ہےتاہم وہیں مراٹھواڑہ کے علاقے کو خشک سالی کا سامنا کرنا پڑا ہے۔
اورنگ آباد ضلع کے پُھلمبری تحصیل کے پچاس دیہاتوں میں ٹینکروں کے ذریعے پینے کا پانی فراہم کیا جاتا تھا ۔
گذشتہ ایک ماہ سے یہ سلسلہ روک دیا گیا ہے ۔
اس سے مقامی لوگوں کا کہنا ہے کہ ان علاقوں میں بارش ناکافی ہونے کی وجہ سے وہ ٹینکروں پر ہی انحصار کررہے تھے لیکن ضلع کلکٹر کی من مانی کی وجہ سے انھیں پینے کے پانی سے محروم ہونا پڑا۔
ناکافی بارش کی وجہ سے نہ صرف کسان بلکہ عام آدمی بھی پریشان ہیں۔
مظاہرین کا مطالبہ ہے کہ جلد سے جلد پانی ٹینکر سپلائی کے معاملے میں ہورہی بدعنونی کی تحقیق کی جائے ۔
مظاہرین کی اکثریت خواتین پر مشتمل تھی۔
مظاہرین میں سے ایک شخص نے ایک سرپنچ نے خود سوزی کی بھی کوشش کی، جسے بعد میں منا لیا گیا۔
