دھرنا دینے والے ڈاکٹرس برسوں سے گھاٹی دواخانہ میں طبی خدمات انجام دیں رہے ہیں لیکن انہیں ابھی تک مستقل ملازمت نہیں دی گئی ہے۔
ان ڈاکٹروں کا کہنا ہے کہ گھاٹی ہسپتال کے درجہ چہارم کے ملازمین کو ڈاکٹروں سے زیادہ تنخواہ دی جای ہے لیکن انہیں ابھی تک مستقل ملازمت سے محروم رکھا گیا ہے۔
گورنمنٹ میڈیکل کالج اینڈ ہاسپٹل میں اسسٹنٹ پروفیسر کی حیثیت سے خدمات انجام دینے والے ڈاکٹرس کالج کے احاطے میں دو روزہ دھرنا دے رہے ہیں۔ ان کا کہنا ہے کہ برسوں سے طبی خدمات انجام دینے کے باوجود انھیں مستقل نہیں کیا جارہا ہے اور نہ ہی ساتویں پے کمیشن کی سفارشات کے تحت تنخواہ دی جارہی ہے۔
انہوں نے کہا کہ ان کی ملازمت فوری مستقل کی جائے اور ساتویں پے کمیشن کے لحاظ سے انھیں تنخواہ دی جائے۔
