ریاست مہاراشٹر کے شہر مالیگاؤں میں پولیس کنٹرول روم سے ملی اطلاع کے مطابق قلعہ پولیس اسٹیشن کی حدود میں تین طلاق اور جنسی استحصال کا معاملہ سامنے آیا ہے۔
مالیگاؤں کے گلشن مالک (مالیگاؤں) میں رہنے والے 47 سالہ "خالد عمر محمد حنیف" جو پیشے سے درزی (ٹیلر) ہے، انہوں نے آپسی تنازعہ کی وجہ سے چاقو کی نوک پر اپنی اہلیہ کو تین بار طلاق بول کر رشتہ ختم کردیا۔
ملزم پر یہ بھی الزام ہے کہ طلاق دینے کے بعد اپنی اہلیہ کا جنسی استحصال بھی کیا۔ متاثرہ 26 سالہ خاتون کا الزام ہے کہ اس کا شوہر اس کے ساتھ مار پیٹ کرتا تھا اور پریشان کرتا تھا۔
وہیں خاتون نے قلعہ پولیس میں ایف آئی آر بھی درج کروائی ہے، تاہم پولیس نے متاثرہ کی شکایت پر ملزم کے خلاف دفعہ 376، 2020، 407 377،504،506 کے تحت مقدمہ درج کرلیا ہے۔
معلوم ہوا کہ ملزم کی گرفتاری ابھی تک عمل میں نہیں آئی اور آگے کی قانونی کارووائی "پی ایس آئی گوپال" کررہے ہیں۔
