ریاست مہاراشٹر میں ہوئے دہشت گردانہ حملے میں شہید ہوئے ہیمنت کرکرے کی بیٹی جوئی کرکرے نے ان کی گیارہویں برسی پر ان کی زندگی پر مبنی ایک کتاب شائع کی ہے۔
بتا دیں کہ ہیمنت کرکرے کو پاکستانی دہشت گردوں کے ذریعے 26 نومبر 2008 کو گولی مارکر ہلاک کردیا گیا تھا۔
گیارہ برس مکمل ہونے پر ان کی بیٹی نے اپنے والد سے جڑی کئی اہم باتیں اس کتاب میں لکھی ہیں۔ ظاہر سی بات ہے کہ کرکرے کی زندگی اور محکمہ پولیس میں ان کی کارکردگی کو صرف ایک کتاب میں نہیں سمایا جا سکتا۔ پھر بھی ان کی بیٹی جوئی کرکرے نے یہ کوشش کی ہے کہ ان کی زندگی کے ان پہلوؤں پر روشنی ڈالی جائے جس سے عوام ناآشنا ہے۔
شہید ہیمنت کرکرے کی بیٹی جوئی کرکرے سے ممبئی کے ہمارے نمائندے شاہد انصاری نے اس کتاب سے متعلق خاص بات چیت کی اور سادھوی پرگیہ کو لے کر ان سے سوال کرنے پر جوئی کرکرے نے کسی بھی طرح کی بات چیت نہیں کی۔
