ریاست مہاراشٹر کے ضلع اورنگ آباد میں کورونا مریضوں کی تعداد میں مسلسل اضافہ ہو رہا ہے۔ 13 ستمبر کو ضلع انتظامیہ کی رپورٹ کے مطابق ضلع میں کورونا کے 314 نئے مریض سامنے آئے ہیں۔ اس کے ساتھ ہی ضلع میں کورونا مریضوں کی تعداد بڑھ کر 28375 ہوگئی ہیں۔
وہیں ضلع میں 808 افراد کی کورونا سے موت واقع ہوئی ہے اور 21813 مریض صحتیاب ہو کر اپنے گھر جا چکے ہیں۔ وہیں ضلع میں 5753 مریض زیر علاج ہیں۔
کورونا کے مریضوں کو اورنگ آباد ضلع کے مختلف ہسپتالوں میں علاج کے لیے رکھا گیا ہے۔ مریضوں کی بڑھتی تعداد کو دیکھتے ہوئے پولیس انتظامیہ نے شہر میں جگہ جگہ چیک پوائنٹ لگا رکھا ہے تاکہ لوگ بے وجہ شہر میں نہ گھومیں۔۔
انتظامیہ نے عوام سے اپیل کی ہے کہ وہ اپنے گھروں میں ہی رہے اور ضرورت کے وقت ہی گھروں سے باہر نکلے۔ سوشل ڈیسٹنسنگ اور منہ پر ماسک لگانے اور انتظامیہ کے ساتھ تعاون کرنے کی بھی اپیل کی ہے۔
اورنگ آباد ضلع میں کئی جگہ ہاٹ اسپاٹ بنائے گئے ہیں۔ کنٹنمنٹ زون کے لوگوں کو اپنے زون سے باہر نکلنے کی اجازت نہیں دی گئی ہے۔
یہ بھی پڑھیں: ادھو ٹھاکرے سمیت دیگر رہنماوں کو دھمکی دینے والے ملزم نے کیا اقرار جرم
وہیں جن علاقوں میں مثبت مریض پائے جا رہے ہیں ان علاقوں کو پوری طرح سیل کیا جا رہا ہے اور وہاں پر انتظامیہ کی جانب سے سینیٹازیشن کا کام جاری ہے۔
