کانگریس ۔ این سی پی اتحاد 'کمبھ کرن' کی مانند

ریاست مہاراشٹر کے ضلع وردھا میں ایک عوامی اجلاس سے خطاب کے دوران ملک کے وزیراعظم نریندر مودی نے کانگریس اور نیشنلسٹ کانگریس پارٹی کے اتحاد پر شدید نکتہ چینی کی۔

وزیراعظم نے مہاراشٹر میں کانگریس اور این سی پی کے اتحاد کو 'کمبھ کرن' کا اتحاد قرار دیا۔

انہوں نے کہا کہ کانگریس اور این سی پی کا اتحاد 'کمبھ کرن' کی طرح ہے جو وہ اقتدار میں ہوتے ہیں تو وہ 6 مہینے سوتے ہیں اور ان میں سے ایک چھ مہینے میں بیدار ہوتا ہے اور عوام کے پیسے لینے کے بعد دوبارہ سو جاتا ہے۔

مہاراشٹر میں 11، 18، 23 اور 29 اپریل کو لوک سبھا انتخابات کے لیے پولنگ ہو گی۔