مہاراشٹر کے سابق وزیراعلی پرتھوی راج چوہان نے ریاست میں بی جے پی کو اقتدار سے دور رکھنے کے لیے اس بات کا اشارہ دیا ہے کہ کانگریس-این سی پی اتحاد شیوسینا کی حمایت کرسکتا ہے۔
واضح رہے کہ مہاراشٹر میں اسمبلی کی کل 288 سیٹیں ہیں جس میں سے بی جے پی کو 105 اور شیوسینا کو 56 سیٹیں ملی ہیں اس طرح بی جے پی-شیوسینا اتحاد کے پاس کل 161 سیٹیں ہیں۔دوسری جانب کانگریس کو 43 سیٹیں ملی ہیں اور این سی پی کو 54 سیٹیں ملی ہیں۔
اس تعلق سے ریاست کے سابق وزیراعلی پرتھوی راج چوہان نے کہا کہ' نتائج کے ساتھ ہی مہاراشٹر میں اگلی حکومت بنانے کے لیے دلچسپ صورت حال سامنے ابھر کر آئی ہے۔
لیکن انھوں نے اس بات کی وضاحت نہیں کی ہے کہ کانگریس-این سی پی اتحاد، شیوسینا کو اپنی حمایت دیں گے۔
