پولیس نے حالات کو دیکھتے ہوئے پورے علاقے میں زبردست پولیس فورسز تعینات کیا گیا ہے۔
ممبئی سے متصل تھانے شہر واقع نوپاڑہ علاقے میں ایم این ایس ( مہاراشٹر نونرمان سینا) کے دفتر کے باہر فٹ پاتھ پر ایم این ایس کی جانب سے آم فروخت کرنے کا اسٹال لگایا گیا تھا۔
اسٹال کے ذریعہ کسان سے سیدھے گاہک کو آم فروخت کیا جارہا تھا۔ مگر ایم این ایس نے اس طرح کے اسٹال لگائے جانے کا تھانے میونسپل کارپوریشن سے کوئی منظوری نہیں لی تھی۔
اسی کو لے کر بی جے پی کے مقامی رہنماؤں نے اس کی شکایت تھانے میونسپل کارپوریشن سے کیا۔ اس معاملے کی وجہ سے ایم این ایس کارکنان احتجاج کرنے لگے اور اسی دوران بی جے پی اور ایم این ایس کارکنان کے مابین زبردست تصادم ہوگیا اور نعرے بازی مارپیٹ کے ساتھ ہی راستہ روک کر پتھر بازی بھی شروع ہوگئی۔
جس وقت اسٹال کی وجہ سے حالات کشیدہ ہوئے اس درمیان بی جے پی مقامی صدر سندیپ لیلے اور ایم این ایس صدر اویناش جادھو بھی موجود تھے۔
اس پرکشیدہ حالات کی اطلاع ملتے ہی پولیس فورس نے جائے وقوع پر پہنچ کر حالات پر قابو پانے اور دونوں پارٹیوں کے کارکنان کو ہٹانے کے لیے زبردست لاٹھی چارج کیا۔ جس کے بعد تھانے میونسپل کارپوریشن کی ٹیم نے پہنچ کر غیرقانونی طور سے لگائے گئے اسٹال کو ہٹا دیا۔ اس واردات کے بعد پورے علاقے کا ماحول پرکشیدہ ہے۔
