ستارہ: بامبے ہائی کورٹ نے کہا کہ گاؤں میں ہیلی پیڈ بنانے سے کوئی مسئلہ نہیں ہے لیکن مہاراشٹر حکومت کو چاہیے کہ وہ اسکول جانے کے لیے طلباء کو اچھی سڑکیں بھی مہیا کرائے۔ جسٹس پرسنا ورلے کی سربراہی والی ڈویژن بنچ نے ضلع ستارہ کے کھرکھنڈی گاؤں کے طلباء کی حالت زار پر ازخود نوٹس لینے کی درخواست کی سماعت کرتے ہوئے یہ ریمارکس دیے۔
عدالت نے کہا کہ کھرکھندی گاؤں کے طلباء کو اپنے اسکول تک پہنچنے کے لیے کوئنا ندی کے بیک واٹر میں کشتی کے ذریعے سفر کرنا پڑتا ہے اور پھر اپنے اسکول تک پہنچنے کے لیے جنگل سے گزرنا پڑتا ہے۔ عدالت نے مہاراشٹر کے چیف سکریٹری کو ہدایت دی کہ وہ متعلقہ محکموں کے سکریٹریز کے ساتھ میٹنگ کریں اور مثبت اور مستقل حل نکالیں۔ ہائی کورٹ نے کہا کہ وہ صرف بچوں کو ان کی تعلیم کے لیے امداد اور سہولیات کے لیے دلچسپی رکھتی ہے۔
عدالت نے کہا کہ ضلع ستارہ کے ایک گاؤں میں دو ہیلی پیڈ ہیں لیکن کوئی سڑک یا پُل نہیں ہے۔ جسٹس ورلے نے کہا کہ ہمیں کچھ دیہات میں ہیلی پیڈ سے کوئی اعتراض نہیں ہے، لیکن ساتھ ہی ہم چاہتے ہیں کہ بچوں کے اسکول یا کالج جانے کے لیے اچھی سڑکیں بنے، ان کی تعلیم مکمل ہو اور معاشرے کی مدد کی جائے۔ ہم صرف یہ چاہتے ہیں کہ ریاستی حکومت مثبت قدم اٹھائے اور جو ممکن ہو وہ کرے اور مستقل حل تلاش کرے۔
یہ بھی پڑھیں: Maharashtra cuts price of petrol, diesel: مہاراشٹر میں پٹرول ڈیزل کی قیمتوں میں کمی
