مالیگاؤں: سی اے فاؤنڈیشن امتحان کے لیے شہر میں ایگزام سینٹر کو ملی منظوری

شہریان مالیگاؤں کے تعلیمی حلقوں میں یہ خبر سن کر ان کی خوشی کی کوئی انتہا اس وقت نہ رہی جب انہیں اس بات کا علم ہوا کہ دہلی کے انسٹی ٹیوٹ آف چارٹرڈ اکاؤنٹنٹ آف انڈیا کے ذریعہ منعقد ہونے والے سی اے فاؤنڈیشن امتحان کے لیے مالیگاؤں میں امتحان سینٹر کی منظوری مل گئی ہے۔

شہریان مالیگاؤں کے تعلیمی حلقوں میں یہ خبر سن کر ان کی خوشی کی کوئی انتہا اس وقت نہ رہی جب انہیں اس بات کا علم ہوا کہ دہلی کے انسٹی ٹیوٹ آف چارٹرڈ اکاؤنٹنٹ آف انڈیا کے ذریعہ منعقد ہونے والے سی اے فاؤنڈیشن امتحان کے لیے مالیگاؤں میں امتحان مرکز کی منظوری مل گئی ہے۔
واضح رہے کہ ریاست مہاراشٹر کے شہر مالیگاؤں کو ہی صرف نئے سینٹر کے طور پر منظوری دی گئی ہے۔

شہر مالیگاؤں میں جہاں دوسرے دیگر بہت سے مقابلہ جاتی امتحانات میں سینکڑوں طلباء شریک ہوتے ہیں۔ شہر میں فلاحِ امت ٹرسٹ کی جانب سے سی اے کوچنگ کلاسز کا آغاز پہلے ہی ہوچکا ہے اور خواہش مند طلباء انتہائی تندہی کے ساتھ یہاں کوچنگ لے رہے ہیں اور ایسے وقت میں ایگزام سینٹر کی منظوری حاصل ہونا ان طلباء کے لیے کسی خواب کے پورا ہونے سے کم نہیں ہے۔ اس موقع پر ماسٹر اشتیاق احمد نے بتایا کہ یہاں امتحان مرکز ہونے سے بچوں کو فائدہ ہوگا اور دور دراز کا سفر نہیں کرنا پڑے گا۔ بالخصوص مالیگاؤں شہر کے وہ طلباء جو پہلے ہی کسی دوسرے شہر کے ایگزام سینٹر کا انتخاب کرچکے ہیں اگر وہ چاہیں تو ایک درخواست کے ذریعے اس نئے امتحان مرکز کا انتخاب کرسکتے ہیں۔