جالنہ پولیس کے ہاتھوں ایک نوجوان کی بے تحاشہ پٹائی کا ویڈیو وائرل ہورہا ہے۔ پولیس جس نوجوان کو بے دردی سے پیٹ رہی ہے، اس کانام شیوراج ناریل والے بتایا جاتا ہے، شیوراج جالنہ بی جے پی یووا مورچہ کا ضلع جنرل سکریٹری ہے۔
مقامی ذرائع کے مطابق نو مئی کو جالنہ کے ایک پرائویٹ اسپتال میں کورونا مریض کی موت ہوگئی تھی۔ اس وقت ڈاکٹروں نے مناسب علاج نہیں کیا، یہ الزام عائد کرکے کچھ نوجوانوں نے اسپتال میں ہنگامہ کیا تھا۔
کہا جاتا ہیکہ ہنگامہ کرنے والوں میں شیوراج بھی شامل تھا اتنا ہی نہیں شیوراج پر یہ الزام بھی ہیکہ پولیس نے اس وقت ہجوم کو منتشر کیا تو شیوراج نے اس کی ویڈیو بنائی تھی جس کی وجہ سے پولیس اسٹیشن میں شیوراج کو طلب کرکے اس کی پٹائی کی گئی۔
اس معاملے میں باضابطہ جالنہ پولیس کی طرف سے کوئی وضاحت نہیں کی گئی ہے تاہم پولیس کی بے رحمانہ پٹائی سے عوام میں برہمی کا اظہار کیا جارہا ہے۔
