اس سلسلے میں بی جے پی کے رکن پارلیمنٹ نے ضلعی اسپتال میں لگنے والی آگ میں دس بچوں کی ہلاکت پر غم کا اظہار کرنے کے لیے مہاراشٹر کے ضلع بھنڈارا میں آج بند کی کال دی ہے۔
بھنڈارا سے بی جے پی کے ممبر پارلیمنٹ سنیل مونڈھے نے صحافیوں کو بتایا کہ پارٹی ہفتے کے واقعے کی عدالتی تحقیقات یا کسی ریٹائرڈ جج کی تحقیقات چاہتی ہے۔
انہوں نے مزید کہا کہ 'ہم سوگوار خاندانوں کو 10 لاکھ روپے معاوضہ بھی چاہتے ہیں'۔
مہاراشٹرا کے وزیر اعلی ادھو ٹھاکرے کے متعلق رکن پارلیمنٹ نے کہا کہ' ہمیں توقع تھی کہ وہ فوری طور پر سول سرجن ، ڈاکٹروں اور دیگر عملے کو معطل کردیں گے اور تفصیلی تحقیقات کا حکم دیں گے تاہم ایسا کچھ نہیں ہوا جو قابل افسوس ہے'۔
ممبر پارلیمنٹ سنیل مونڈھے نے کہا کہ' بی جے پی نے حکومت کی توجہ مبذول کروانے کے لیے آج بھنڈارا میں بند کا مطالبہ کیا ہے '۔