آل انڈیا مسلم پرسنل لاء بورڈ کے سیکٹری مولانا محمد عمرین محفوظ رحمانی نے کہاکہ مسلم خواتین میں حجاب کے خلاف احتجاج کے نام پر نفرت پھیلانے والوں کا مقابلہ کرنے کے لیے حجاب اور پردے کے تعلق سے پھیلی غلط فہمیوں کو دور کرنے کے لیے خواتین کو آگے آنا چاہیے۔'
اس تعلق سے آل انڈیا مسلم پرسنل لاء بورڈ کے سیکریٹری مولانا محمد عمرین محفوظ رحمانی نے ای ٹی وی بھارت کو بتایا کہ خواتین کو چاہیے کہ وہ حجاب کے تعلق سے صحیح معلومات عام کریں کہ آپ حجاب کی وجہ سے پریشان نہیں ہے، بلکہ عزت دار اور خود مختار ہیں۔
انہوں نے کہاکہ مسلم خواتین کو آزادی ہے اور ان کی اس حد تک عزت کی جاتی ہے کہ ان کے قدموں تلے جنت کہا جاتا ہے۔ حجاب ایک باعزت مسلمان خاتون کی پہچان ہے، یہ معاشرے کے برے پہلوؤں سے بچاتا ہے۔'
مولانا نے اس بات پر روشنی ڈالی کہ حجاب پر پابندی شخصی آزادی میں مداخلت ہے Banning the Hijab is an Interference with Personal Freedom۔ انہوں نے کہاکہ حجاب کا معاملہ عدالت میں زیر بحث ہے اس لیے ہمیں اس بات کی امید رکھنی چاہیے کہ عدالت صحیح سمت میں فیصلہ سنائے گی اور شخصی آزادی کو برقرار رکھے گی تاکہ اس ملک میں عدل انصاف کا بول بالا قائم رہے'۔
مزید پڑھیں:
