مہاراشٹر کے ضلع اورنگ آباد سے شیر پور جانے والی ایس ٹی مہامنڈل بس کے ڈرائیور کو پیٹا گیا۔
آپ کو بتادیں کے ایس ٹی بس ڈرائیور پیچھے سے آنے والی لال رنگ کی سوئفٹ کار کو اوور ٹیک نہیں کرنے دے رہا تھا جس کی وجہ سے کار ڈرائیور اور بس ڈرائیور کے درمیان نوک جھوک ہوگئی جس کے بعد کار ڈرائیور نے ایس ٹی بس ڈرائیور کو دھمکی دیتے ہوئے کہا کہ کنڑ آنے کے بعد میں تُجھے بتاتا ہوں۔
اس کے بعد جیسے ہی ایس ٹی بس کنڑ شہر پہنچی، اسی وقت سوئفٹ کار رانگ سائیڈ سے آئی اور بس کے سامنے کھڑی کردی نیز کار ڈرائیور کے ساتھ اس کے چند ساتھ بھی تھی جو بس ڈرائیور پر ڈنڈوں سے حملہ کر رہے تھے نیز گالیاں بھی دے رہے تھے،
اس دوران حملہ آوروں نے بس کے شیشے بھی توڑ دیئے، یہ سارا واقعہ سی سی ٹی وی کیمرے میں قید ہوگیا جس کے بعد بس ڈرائیور نے اورنگ آباد تحصیل کنڑ کی پولیس تھانہ میں شکایت درج کروائی۔
پولیس نے کاروائی کرتے ہوئے آئی پی سی کے تحت معاملہ درج کر لیا ہے جبکہ اس معاملے میں دو افراد کو گرفتار کرتے ہوئے ان کی سوئفٹ کار کو بھی اپنے قبضے میں لے لیا ہے۔
واضح رہے کہ اس معاملے میں دس تا پندرہ نامعلوم لوگوں کے خلاف معاملہ درج کیا گیا ہے، پولیس اس معاملے کی تحقیقات کر رہی ہے۔
