فیڈریشن کے سالانہ اجلاس میں صدر اقبال میمن نے کہا کہ مسلم میمن جماعت نے میمن ہی نہیں بلکہ مسلمانوں کی فلاح وبہبود کے لیے قابل ستائش خدمات انجام دی ہے اور حالیہ وبائی دور میں بھی آل انڈیا میمن جماعت فیڈریشن نے بلامذہب وملت اور فرقے پر کسی کی بھی بھر پور مدد کی گئی اور اس عرصہ میں اجناس کی تقسیم اور طبی سہولیات فراہم کرانے کے لیے خصوصی توجہ دی گئی ہے۔
مستقبل کے منصوبوں سے مطلع کرتے ہوئے انہوں نے کہا کہ اس کے تحت نوجوانوں اور خواتین کو مزید سرگرم کرنا ہے۔تاکہ قوم کو اپنے پاؤں پر کھڑا کیا جاسکے۔
اقبال میمن نے حج ہاؤس میں منعقد کیے گئے اجلاس سے مزید خطاب کرتے ہوئے کہاکہ ہم نے ہمیشہ حوصلہ اور جذبہ سے کام کیا ہے اور کووڈ 19 کے اس بحرانی عرصے میں سب سے زیادہ کام کرنے کا تجربہ حاصل ہوا ہے اور یہی وجہ ہے کہ ہماری ہمت اور جذبہ کے سبب اچھے نتائج سامنے آتے ہیں ،انسان کا کام بولتا ہے اور اس میں بہتری پیدا ہوتی ہے۔
انہوں نے کہا کہ قوم کی بہتری کے لیے کئی اسکیموں کے لیے کا۔۔کیا ہے اور سب سے پہلے ہاؤسنگ اسکیم کو ترجیح دی گئی ہے۔اس کے تحت مکانات کی۔مرمت اور نئے مکان تعمیر کرنے اور خریدنے میں مددکی گئی۔ہے اور اب تک300 مکانات پر توجہ دی گئی ہے۔اس کے ساتھ ہی نئے منصوبے کے تحت کالونیاں بنانے کا منصوبہ بھی زیر غور ہے، پھر میڈیکل امداد بھی مہیا کی گئی ہے اور طبی امدادرعایتی نرخوں پر دی گئی اور مراکز کا قیام بھی کیا گیا ہے۔جبکہ ہونہار بیٹی اسکیم کے تحت سلائی، بنائی اوردیگر امور کے لیے مدد کی جاتی ہے۔ہر طرح کی مالی مدد کی جاتی ہے۔
اقبال میمن کے مطابق کورونا کے بحرانی دور میں ڈساسٹر کمیٹی بھی تشکیل دی گئی ہے اور اس نے بحسن وخوبی کام کیا ہے۔دراصل ہمیں حوصلہ اور جذبہ سے کام کرتے رہنا ہے۔
انہوں نے اپیل کی موجودہ حالات سے سبق لیتے ہوئے قوم میں شادی بیاہ اور معاشرے میں اصلاح کے کاموں کو آگے بڑھانا ہے۔ہمیں مزید عزم کے آگے بڑھنا ہے۔خصوصی طور پر شادی بیاہ کی غیر ضروری رسوم ورواج کو ختم کرانا ہے تاکہ غریب وضرورت مندوں کی مدد کرنا ہے۔تعلیمی فروغ پر بھی توجہ دینا ہوگا۔
اس موقع پر بلاس پور چھتیس گڑھ کی سول جج آفرین بانو اور گاریابند میونسپل کونسل کے منتخب صدر عبدالغفار میمن سمیت متعدد تنظیموں اور اداروں کے عہدیداروں کاخیرمقدم کیاگیا۔
سہیل کھنڈوانی چیئرمین حاجی علی اور مخدوم شاہ درسگاہ نے شکریہ اداکیا، جبکہ حج کمیٹی کے سی ای او اے ایم خان، ممبئی کانگریس کے ترجمان نظام الدین داعی ،ہلائی ؟ین جماعت کے صدر فیروزامی والا،اجمیر درگاہ کے سابق رکن جاوید پاریکھ، منصور درویش ،لیڈس ونگ کی چیئرپرسن رضیہ بائی چشمہ والا سمیت عہدیداران اور نمائندوں نے رپورٹ پیش کیا۔
