سی اے اے اور این آر سی کے خلاف ملک بھر میں احتجاج کر رہی خواتین کے عزم اور حوصلے کو دیکھتے ہوئے ایم آئی ایم نے مہاراشٹر میں 'رضیہ سلطانہ ویمنس ونگ' کی تشکیل دی۔
مہاراشٹر: ایم آئی ایم 'ویمنس ونگ' کی تشکیل
ریاستی سطح پر بنائی گئی اس ونگ کی صدارت ایڈوکیٹ اسما شیخ کو سونپی گئی ہے۔
اورنگ آباد کے مولانا آزاد ریسرچ سینٹر میں ہوئی ایک تقریب میں ایم آئی ایم رکن پارلیمان امتیاز جلیل کے ہاتھوں اسما شیخ کو تقررنامہ دیا گیا۔
اس موقع پر ایم پی امتیاز جلیل نے امید ظاہر کی کہ 'خواتین کی یہ ٹیم ایم آئی ایم میں اہم کردار ادا کریگی۔'
دراصل ایم آئی ایم ویمنس ونگ کی تشکیل کو اورنگ آباد میں ہونے والے میونسپل کارپوریشن کی تیاری کے طور پر دیکھا جارہا ہے۔
واضح رہے کہ اورنگ آباد میونسپل کارپوریشن میں ایم آئی ایم کے چوبیس کارپوریٹرس میں خواتین کارپوریٹرس کی تعداد چودہ ہیں۔
