ممبئی پولیس کمشنر نے یہ بھی کہا کہ ممبئی کی بلڈنگ سوسایٹیز Building Societies of Mumbai کے زمینداروں کی من مانی کے خلاف سخت کارروائی کی جائےگی۔ کسی بھی سوسایٹی یا اس کے زمیداروں کو کوئی حق نہیں ہے کہ وہ کسی بھی مکین کی بجلی کا میٹر یا پانی کے کنکشن کاٹ دے۔ اگر کسی بھی سوسیاٹی میں اس طرح کی زبردستی کرتے ہوئے زمیداران پائے گئے تو ان کے خلاف سخت کارروائی کی جائےگی ان کے خلاف ایف آئی آر بھی درج کی جائےگی۔
انہوں نے کہا کہ ہم سوسایٹی کے زمیداران سے اس بار امن پولیس تھانے کی سطح پر میٹنگ کر کے انہیں اس بات کے لئے آگاہ کر رہے ہیں کہ کسی بھی مکین کو ہراساں نہ کیا جائے، ان کے حقوق کی پامالی نہ کی جائے۔ اگر اس طرح سے کسی بھی سوسایٹی کی شکایت موصول ہوئی تو انہیں کارروائی کا سامنا کرنا پڑےگا۔ انہوں نے کہا کہ اگر کوئی بھی مکین مرمت کے پیسے سوسایٹی کو نہ دے تو اس کے لئے سوسایٹی کے زمیداران کارروائی کے لئے سوسایٹی رجسٹرار سے شکایت کریں، مکین کو نوٹس دینا اور ان کے خلاف کارروائی کرنے کا حق سوسایٹی رجسٹرار کو ہے نہ کہ سوسایٹی کو۔ Mumbai Police Commissioner On Building Societies
یہ بھی پڑھیں: Four Smugglers Arrested In Barabanki: بارہ بنکی میں بین الاقوامی منشیات تسکری گروہ کا انکشاف، چار گرفتار
پولیس کمشنر سنجے پانڈے نے کہا کہ رمضان کو لیکر ہم ممبئی میں پختہ بندوبست کریں گے تاکہ رمضان میں جرائم پیشہ افراد کسی طرح کی کوئی غیر سرگرمیاں انجام نہ دیں، سائلینٹ سنڈے کو لیکر انہوں نے کہا کہ مذہبی مقامات کی آواز کے بارے میں بھی سوچا جائےگا۔ واضح رہے کہ ممبئی کے مسلم اکثریتی علاقے ڈونگری، پایدھونی اور بھنڈی بازار میں منشیات فروشی اور منشیات کے عادی افراد کے خلاف بڑی کارروائی کی گئی ہیں، ان کارروائیوں میں ڈونگری علاقے میں ڈرگس فیکٹری Action Against Drugs factory بھی پکڑی گئی ہے حالانکہ یہ کارروائی ناکوٹیکس کنٹرول بیورو کے ذریعه کی گئی تھی۔
