ممبئی کے کماٹی پورا میں پولاڈیا ٹاور کی تعمیر کرنے والے بلڈر پر بدعنوانیوں کے الزامات کے بعد شکایات کا جائزہ لینے کےلیے سابق میئر و رکن بی ایم سی ورکنگ کمیٹی شردھا جادھو نے عمارت کا جائزہ لیا۔
اس موقع پر ای ٹی وی بھارت سے بات کرتے ہوئے شردھا جادھو نے کہا کہ عمارت کی تعمیر سے علاقہ کی ترقی ہوگی لیکن عمارت کی تعمیر میں فائر سیفٹی ضوابط کو نظرانداز کیا گیا ہے۔ بلڈنگ کے اطراف 12 فٹ روڈ ہونا ضروری ہے۔
انہوں نے کہا کہ بلڈر اور دیگر افسران کی جانب سے غلط رپورٹ داخل کرنے کے بعد اعلیٰ حکام نے عمارت کو تعمیر کرنے کی اجازت دی تھی۔ داخل کی گئی رپورٹ میں فائر سیفٹی ضوابط کے تحت بلڈنگ کے اطراف 12 فٹ روڈ چھوڑنے کی بات کہی تھی لیکن عملی طور پر ایسا نہیں کیا گیا۔ بلڈنگ کے اطراف صرف 4 فٹ جگہ چھوڑی گئی۔ شردھا جادھو نے اس معاملے کو لیکر محکمہ بی ایم سی اور محکمہ فائر سے رپورٹ طلب کی ہے۔
بلڈنگ کی تعمیر میں فائر سیفٹی اصولوں کو نظرانداز کئے جانے کے بعد فلیٹس خریدنے والے افراد تشویش میں مبتلا ہیں۔
