مہاراشٹر میں کورونا وبا کی تیسری لہر کے پیشِ نظر حکومت کی جانب سے جاری گائڈ لائنس کے مطابق تمام مذہبی مقامات بند کردئے گئے ہیں۔ جس کی وجہ سے اورنگ آباد کی کسی بھی عیدگاہ میں آج عید کی نماز ادا نہیں کی گئی، انتظامیہ کی جانب سے عیدگاہوں میں سکیورٹی کے سخت انتظامات کیے گئے تھے۔
ویڈیو
مزید پڑھیں:گیا: عیدگاہوں میں عیدالاضحیٰ کی نماز کی اجازت نہیں
واضح رہے کہ پچھلے دو سالوں میں یہ چوتھا موقع ہے جب شہر میں عید کی نماز عیدگاہ میں ادا نہیں کی گئی، بندگان توحید کو عیدگاہ سے دور رکھنے کے لئے پولیس نے چھاؤنی عیدگاہ کا پوری طرح سے محاصرہ کرلیا تھا، جس کی وجہ سے کوئی بھی عیدگاہ میں داخل نہیں ہوسکا اور کسی کو بھی عیدگاہ میں جانے کی اجازت نہیں دی گئی حتٰی کہ عیدگاہ سے متصل قبرستان میں بھی لوگوں کے داخلے پر پابندی عائد کی گئی تھی۔
