ممبئی پولیس نے مکیش شاہ نامی شخص اور اس کی گرل فرینڈ کو گرفتار کیا ہے۔
ممبئی پولیس کی گرفت میں آیا یہ شخص ریلائنس گروپ کے ساتھ 16.9 کروڑ روپے کی دھوکہ دہی کر کے کر فرار ہو گیا تھا لیکن 6 مہینے بعد ممبئی کے کف پریڈ پولیس نے اسے گرفتار کر لیا۔
پولیس کو پوچھ گچھ سے معلوم ہوا کہ اس دھوکہ دہی میں ملزم کی معشوقہ بھی ملوث ہے، پولیس نے اسے بھی گرفتار کرلیا ہے۔
ملزم مکیش شاہ ریلائنس گروپ میں بطور ڈائریکٹر اپنے فرائض انجام دے رہا تھا۔ اس دوران مکیش امبانی کے کف پریڈ میں واقع عمارت سی ونڈ بلڈنگ کی مرمت کے لیے 16 کروڑ 90 لاکھ روپے ریلائنس گروپ سے لیے، لیکن یہ کام کبھی پورا ہی نہیں ہوا۔
پولیس نے ملزم اور اس کی معشوقہ کو عدالت میں پیش کیا اور عدالت نے مقدمے کی سماعت کے بعد دونوں ملزمین کو 2 دنوں کی پولیس حراست میں رکھنے کا حکم دیا۔
گرفتار ملزم اپنے اہلخانہ کے ساتھ ممبئی کے گھاٹ کوپرعلاقےمیں رہتا تھا پیسے غبن کرنے کے بعد وہ اپنے گھر والوں کو بنا بتائے علیحدہ رہنے لگا۔
گھر والوں نے مکیش کی کافی تلاش کی۔ لیکن اس کا کوئی پتہ نہ چلنے پر انہوں نے گھاٹ کوپر پولیس تھانے میں مکیش کی گمشدگی کی رپورٹ درج کرائی تھی۔
جب پولیس نے تحقیقات کی تو انھیں یہ معلوم ہوا کہ ملزم اپنی معشوقہ کے ساتھ ممبئی سے متصل میرا روڈ میں نام بدل کر رہتا تھا۔
