مقتول کا نام راکیش پاٹل تھا، جو امبرناتھ مہاراشٹر نونرمان سینا کا شہری نائب صدر تھا۔
شیواجی نگر پولیس اسٹیشن میں 4 افراد کے خلاف مقدمہ درج کیا گیا۔
پولیس نے بتایا کہ بدھ کی شام پالیگاؤں میں 4 نامعلوم افراد نے امبرناتھ ایم این ایس کے نائب صدر پر تیز دھار ہتھیار سے حملہ کیا تھا، جس کے بعد وہ شدید زخمی ہوگئے تھے۔
زخمی راکیش پاٹل کو ایک نجی ہسپتال میں لے جایا گیا ، جہاں ڈاکٹرز نے انہیں مردہ قرار دے دیا۔
واضح رہے کہ اس سے قبل امبر ناتھ کے الہاس نگر میں ایم این ایس کے طلباء یونین کے صدر پر تلوار سے حملہ کیا گیا تھا، اس کے بعد گزشتہ روز یہ واقعہ پیش آیا ۔
راکیش پاٹل قتل معاملے میں پولیس نے 4 مشتبہ افراد کو گرفتار کیا ہے۔اس حملے کی اصل وجوہات جاننے کے لیے شیواجی نگر پولیس مزید تحقیقات کررہی ہے۔
سنہ 2015 میں امبر ناتھ میں شیوسینا کے کارپوریٹر رمیش گنجل کے قتل کے بعد امبر ناتھ شہر میں گذشتہ پانچ سالوں میں کوئی سیاسی قتل نہیں ہوا ہے۔ ابتدائی معلومات میں یہ بات سامنے آرہی ہے کہ جگہ کے تنازع کی وجہ سے یہ قتل ہوا ہے۔
