جس کے بعد مشتعل اہل خانہ اور مقامی افراد نے اس حادثہ کو لیکر زبردست ہنگامہ کیا۔
پولیس نے خاطی ڈرائیور کے خلاف مقدمہ درج کر گرفتار کرتے ہوئے کچرا گاڑی کو قبضہ میں لے لیا ہے، مگر دیررات تک میونسپل انتظامیہ کا کوئی بھی افسر نہیں پہچ سکا تھا۔
پولیس ذرائع کے مطابق روہت وجے لونڈے 6 برس اپنی والدہ کے ہمراہ بھیونڈی شہر کے نائگاؤں سلامت پورہ کی سڑک کے کنارے سے ایس ٹی ڈپو کی طرف دیر رات تقریباً 11 بجے گزر رہا تھا اسی درمیان شہر کا فضلہ لیکر ایک تیز رفتار کچرا گاڑی (گھنٹہ گاڑی) ایم ایچ 05 آر 7914 گائتری نگر ڈمپنگ گراؤنڈ کی طرف جارہی تھی۔ اس نے شاہراہ کے کنارے سے گزرنے والے معصوم روہت کو زوردار ٹکر مار کر فرار ہونے کی کوشش کی۔ جسے مقامی افراد نے پکڑ کر پٹائی کی۔
لوگوں نے شدید طور سے زخمی روہت کو اندرا گاندھی سب ڈسٹرکٹ ہسپتال لے گئے مگر تب تک اسکی موت ہوچکی تھی۔
موت کے بعد بچہ کے اہل خانہ اور مقامی افراد نے زبردست ہنگامہ آرائی کیا۔
روہت کے والد وجے لونڈے نے بتایا کہ ڈرائیور کے پاس لائسنس کے علاوہ انشورنس اور فٹنیس تک نہیں ہے۔ کارپوریشن اس طرح کی ناکارہ گاڑیوں کو ٹھیکہ پر لگاکر صفائی کے کام میں لگا رکھا ہے مگر لاپرواہ ڈرائیور کے سبب انکے بیٹے کی جان چلی گئی ہے۔
وجے نے میونسپل انتظامیہ سے بغیر انشورنس اور لائسنس سمیت دیگر شرائط پوری نہ کرنے والی اس طرح کچرا گاڑیوں کو میونسپل کارپوریشن میں ٹھیکہ پر لگانے والے افسران اور لاپرواہی سے اس گاڑی کو چلانے والے ڈرائیور کے خلاف سخت کارروائی کا مطالبہ کیا ہے۔
اس پورے معاملے کی تفتیش شانتی نگر کے پولیس انسپکٹر دوبے کررہے ہیں۔
