سرکاری ذرائع کے مطابق مہاراشٹرا میں اب تک 223724 لوگ اس وبا کی زد میں آئے ہیں، وہیں اس دوران مزید 198 لوگوں کی اس سے موت ہونے سے مہلوکین کی تعداد بڑھ کر 9448 ہوگئی ہے۔
اس دوران ریاست میں 4634 لوگ وائرس سے جنگ جیتنے میں کامیاب ہوئے ہیں جس کے بعد صحت مند ہونے والوں کی کل تعداد 123192 ہوگئی ہے۔راحت کی بات یہ ہے کہ مریضوں کے صحت مند ہونے کی شرح 55.06 فیصد پر پہنچ گئی ہے جبکہ اموات کی شرح محض 4.22 فیصد ہے۔
ذرائع کے مطابق ریاست میں کل سرگرم معاملوں کی تعداد 91065 ہے جن کا مختلف اسپتالوں میں علاج کیا جارہا ہے۔ واضح رہے کہ مہاراشٹر پورے ملک میں کورونا متاثرین اور تعداد اموات کے معاملے میں پہلے مقام پر ہے۔
