مہاراشٹر میں آج مسافروں سے بھری ایک پرائیویٹ بس 30 سے 40 فٹ گہری کھائی میں گرگئی،اس حادثے میں چار افراد کی دردناک موت ہوگئی جب کہ 35 افراد زخمی ہوگئے۔زخمیوں میں بیشتر کی حالت نازک بتائی جارہی ہے۔ انہیں نندور بار کے ضلع ہسپتال میں داخل کرایا گیا ہے۔
یہ بس جلگاؤں سے سورت کے روانہ ہوئی تھی کہ درمیانی شب کونڈائی باری گھاٹ کے قریب تقریباً 30 تا 40 فٹ گہری کھائی میں گر گئی۔
حادثہ کی اطلاع موصول ہوتے ہی وسرواڑی و نواپور پولیس کی ٹیم موقع پر پہنچ گئی اور راحتی کام شروع کیا۔
زخمیوں کا وسرواڑی ، نواپور اور نندرور ڈسٹرکٹ ہسپتالوں میں داخل کرایا گیا ہے، پولیس ہلاک شدگان کی شناخت کررہی ہے۔
واضح رہے کہ ایک نجی ٹریویلس کی مسافروں سے بھری بس جلگاؤں سے سورت کے روانہ ہوئی تھی۔ بس درمیانی شب کونڈائی باری گھاٹ پہنچنے کے بعد تقریبا 30 تا 40 فٹ گہری کھائی میں گر گئی۔
یہ حادثہ کیسے ہوا؟ ابھی تک اس کی اطلاع موصول نہیں ہوپائی ہے۔تاہم اس حادثے میں چار افراد ہلاک اور 35 سے زائد مسافر زخمی ہوگئے ہیں۔
