مالیگاؤں: رکن اسمبلی کو قرنطینہ میں بھیجا گیا

مالیگاؤں کے رکن اسمبلی مفتی محمد اسماعیل قاسمی کو 14 روز کے لیے کوارنٹین کیا گیا ہے۔ دہلی کے حضرت نظام الدین تبلیغی مرکز معاملہ کو لے کر مفتی محمد اسماعیل قاسمی کی جانچ محکمہ صحت کی ٹیم نے کیا اور احتیاط کے طور پر گھر میں ہی رہنے کی ہدایت دی۔

ریاست مہاراشٹر کے مسلم اکثریتی شہر مالیگاؤں کے رکن اسمبلی مفتی محمد اسماعیل قاسمی نے کہا کہ وہ 14 مارچ کو سہارنپور گئے تھے اور 16 مارچ کو واپس لوٹ آئے تھے۔ لیکن پولس انتظامیہ اور محکمہ صحت نے دہلی معاملہ کو بنیادی بنا کر ان کی تفتیش کی۔

مالیگاؤں کے رکن اسمبلی کو 14 روز کے لیے کوارنٹین کیا گیا

اسی طرح سے سوشل میڈیا اور میڈیا میں یہ بات گشت کرنے لگی ہے کہ مفتی محمد اسماعیل قاسمی دہلی نطام الدین مرکزی بھی گئے تھے۔ لیکن انھوں نے واضح کیا ہے کہ وہ صرف سہارنپور ہی گئے تھے۔ البتہ محکمہ صحت کی ہدایت پر مفتی محمد اسماعیل قاسمی کو 14 روز کے لیے گھر پر ہی کوارنٹین کیا گیا ہے۔

مالیگاؤں کے رکن اسمبلی کو 14 روز کے لیے کوارنٹین کیا گیا

واضح رہے کہ مالیگاؤں شہر میں اب تک کوئی بھی کورونا وائرس کا مریض نہیں پایا گیا ہے۔