مہاراشٹر کے ناسک ضلع جنرل اسپتال نے منگل کے روز رپورٹ جاری کر کے بتایا کہ ضلع میں اب تک کل ایک لاکھ 15 ہزار 46 کورونا مریض صحتیاب ہوئے ہیں اور کل 1234 مریض زیر علاج ہیں حالانکہ اب تک ضلع میں کل 2073 مریضوں کی موت ہو چکی ہے۔
ضلع میں کورونا مریضوں کے صحتیاب ہونے کی شرح 97.21 فیصد ہے جس میں ناسک (دیہات) میں 96.40 فیصد، ناسک شہر میں 97.89 فیصد، مالیگاؤں میں 92.97 فیصد اور باہری اضلاع میں 94.08 فیصد ہے۔ اب تک ضلع ناسک میں مجموعی طور پر 2073 مریضوں کی موت ہو چکی ہے جن میں 817 ناسک دیہی علاقے سے، 1026 ناسک شہر علاقے سے، 176 مالیگاؤں بلدیہ علاقے سے اور 54 ضلع کے باہر سے ہیں۔
ضلع میں اب تک کورونا سے متاثر ہونے والے مریضوں کی تعداد 118353 تک پہنچ گئی ہیں۔
