عید میلادالنبیؐ کے موقع پر ممتاز نعت خواں کا نذرانہ عقیدت

دنیا بھر میں آج جشن عید میلادالنبیؐ منایا جا رہا ہے، لیکن رواں برس کورونا وائرس کی وجہ سے لوگ گھروں میں ہی رہ کر قرآن خوانی اور نعت خوانی کے ذریعے عید میلادالنبیؐ کا اہتمام کر رہے ہیں۔

بھوپال میں بھی 12 ربیع الاول کو آپ صلی اللہ علیہ وسلم کی آمد کے موقع پر پورے بھوپال میں جشن منایا جا تا تھا، لیکن کورونا وائرس کے سبب شہر میں روایتی انداز میں جلوس نہیں نکالے گئے۔ مسلم طبقہ اپنے اپنے انداز میں عید میلادالنبیؐ کو منا رہے ہیں۔

اس موقع پر ممتاز نعت خواں ولی اللہ ولی نے بارگاہ رسالت میں خوبصورت نعت کا ہدیہ پیش کیا۔

کلمہ حق سے ابتداء کیجیے

نام احمد سے انتہا کیجیے۔

نقش پائے رسول پہ چل کر

قلب کو اپنے آئینہ کیجیے۔

پہلے پڑھ لیجیے درود و سلام

بعد میں رب سے التجا کیجیے۔

گر خدا کے کرم کو پانا ہے

اس کے محبوب سے وفا کیجیے۔

اے ولی جگمگائے گی قسمت

سجدہ شکر بھی ادا کیجیے۔