FIR Against Nupur Sharma: اندور میں نوپور شرما کے خلاف معاملہ درج کرنے کا مطالبہ کیا

ٹی وی مباحثے میں آخری نبی کریمﷺ کے خلاف ناشائستہ الفاظ کا استعمال کرنے والی بی جے پی رہنما نوپور شرما کے خلاف اندور میں مسلم علمائے کرام نے مجسٹریٹ سے معاملہ درج کرنے کی مانگ کی ہے Demanded FIR Against Nupur Sharma۔

اندور: ریاست مدھیہ پردیش کے صنعتی شہر اندور میں پیغمبر اسلام حضرت محمدﷺ کی شان میں ناشائستہ الفاظ کا استعمال کرنے والی بی جے پی کی ترجمان نوپور شرما کے خلاف مسلم طبقے نے معاملہ درج کرنے کا مطالبہ کیا ہے۔

ملک میں گزشتہ کچھ سالوں سے نفرت پھیلانے والوں کی تعداد میں اضافہ ہوا ہے۔ یہ لوگ اشتعال انگیز بیان بازی کر کے سیاسی مفادات حاصل کرتے ہیں۔ مگر آئین اس کی اجازت نہیں دیتا، ایسا ہی ایک معاملہ گذشتہ دنوں ٹی وی مباحثے کے دوران پیش آیا، جب بی جے پی کی ترجمان نوپور شرما نے پیغمبر اسلام حضرت محمدﷺ کی شان میں قابل اعتراض الفاظ کا استعمال کیا، جس سے مسلم طبقہ سخت ناراض ہے۔

اس کے خلاف مسلم طبقہ ملک کی مختلف ریاستوں میں نوپور شرما کے خلاف معاملہ درج کرنے کا مطالبہ کر رہا ہے۔ اسی کڑی میں صنعتی شہر اندور کے مفتی مالوہ اور ایک ڈیلیگیشن کمشنر دفتر پہنچا اور کمشنر کو میمورنڈم دیا، جس نے مطالبہ کیا کہ نور پور کے خلاف سخت سے سخت کارروائی کی جائے۔