اجین: موت برحق ہے، سب کو آنی ہے۔ ذکر ان کا ہوگا جو رضائے الہی کے لیے حاضر ہو گئے۔ رضاکار ذاکر خان کا گزشتہ دنوں مدھیہ پردیش کے تاریخی شہر اُجیں میں کورونا کے علاج کے دوران انتقال ہو گیا تھا۔ وہ تنظیم جذبہ سوشل ویلفیئر سوسائٹی کے ذمہ دار رکن تھے۔
ذاکر گذشتہ دو دہائیوں سے زیادہ انسانی خدمات میں سرگرم رہے۔ اس وبائی دور میں بھی انہوں نے خدمت خلق کے کام کو بخوبی انجام دیا تھا۔ اسی دوران وہ خود بھی کورونا سے متاثر ہو گئے تھے، بعد میں علاج کے دوران ذاکر کا انتقال ہو گیا۔ Zakir Khan Dies during Corona
تنظیم جذبہ نے اپنے ساتھی کو خراج عقیدت پیش کرنے کے لیے تعزیتی تقریب کا انعقاد کیا گیا، جس میں شہر کے معزز لوگوں نے مرحوم ذاکر خان کو خراج عقیدت پیش کیا۔
اس موقع پر طلباء کو کاپی پینسل بھی تقسیم کی گئی۔ اس کے علاوہ تنظیم کی جانب سے سکھر خان کے کنبے کو پانچ لاکھ 52 ہزار روپے کی رقم دی گئی۔
یہ بھی پڑھیں:
Condolences on Hussain al-Haq Death: حسین الحق کے انتقال پر ادبی و تعلیمی شخصیات کا اظہار تعزیت
خدمت خلق کے کاموں کو کرنے والے عموماً لوگ پسماندہ طبقے سے نکل کر آتے ہیں۔ اسی لیے وہ انسانی دکھ درد کو بخوبی سمجھتے ہیں اور ان کی فلاح و بہبود کے کاموں میں اپنی تمام عمر گزار دیتے ہیں۔ ذاکر خان کی خدمات کو کبھی فراموش نہیں کیا جاسکتا۔
ڈاکٹر شاداب صدیقی نے کہا کہ جذبہ فاؤنڈیشن کی جانب سے مرحوم ذاکر خان کے لیے تعزیتی تقریب کا انعقاد کیا، جس میں طلباء کو کاپی پینسل اور ذاکر خان کے کنبے کو پانچ لاکھ 52 ہزار روپے کی رقم ادا کی گئی۔
