جب رشوت کی یہ ویڈیو وائرل ہوئی تو پولیس محکمہ میں کھلبلی مچ گئی۔ اور پولیس سوالوں کے دائرے میں آگئی۔
دراصل پاٹن علاقے کے ایس ڈی پی او، ایس این پاٹھک کی ویڈیوز سوشل میڈیا پر وائرل ہوگئیں جس میں وہ رشوت کی رقم گنتے ہوئے نظر آرہے ہیں۔
رقم دینے والا شخص کوئی اور نہیں بلکہ شاہ پورہ تھانے میں کانسٹیبل دیویندر جٹ کا ہے اور اس کے علاوہ ساتھ میں بیٹھا نوجوان ریت کا تاجر ہے۔
ایس پی امیت سنگھ کا کہنا ہے کہ انہیں غیر قانونی طور پر ریت کی نقل و حمل کی حفاظت کے لئے ایس ڈی او پی کے خلاف شکایت موصول ہو رہی تھیں، جس کے بعد انہوں نے 7 اگست کو ایک خط لکھ کر کارروائی کرنے کو کہا تھا۔
گول مول جواب دینے پر ان سے سخت وضاحت طلب کی گئی، اور 22 اگست کو انہیں پھر سے صفائی دینے کو کہا گیا تھا۔ اس کے باوجود ایس ڈی پی او کو کوئی فرق نہیں پڑا اور انہوں نے اپنی غیر قانونی کمائی جاری رکھی، جس کے نتیجے میں یہ ہوا کہ اس کی ویڈیوز 24 اگست کو وائرل ہوگئیں۔
ایس پی سنگھ نے بتایا کہ کچھ مہیںے قبل ایس ڈی پی او، ایس این پاٹھک کا جبل پور میں ٹرانسفر ہوا تھا لیکن ہائی کورٹ سے اسٹے لینے سے وہ دوبارہ اپنے عہدے پر برقرار رہے۔
فی الحال پولیس افسر نے اس معاملے میں دیویندر جاٹ کو معطل کردیا اور ایس ڈی پی او کے خلاف سخت کاروائی کرنے کا یقین دلایا ہے۔
