شیوراج سنگھ نے کانگریس پارٹی پر بالواسطہ الزام عائد کیا کہ 'کچھ لوگوں کو ملک کا آگے بڑھنا پسند نہیں آرہا ہے'۔
ریاستی ہیڈکوارٹر میں قانونی سیل کی ریاستی ورکنگ کمیٹی کی میٹنگ میں خطاب کے دوران انہوں نے کہا کہ 'فوج کی کارروائی سے آج چاروں طرف جوش کا ماحول ہے'۔
شدت پسندی کے خلاف پوری دنیا بھارت اور وزیراعظم مودی کے ساتھ ہے۔
انہوں نے کہا کہ 'وزیراعظم نے فوج کو کھلی چھوٹ دے کر یہ بتا دیا ہے کہ 'ہم کسی کو چھیڑیں گے نہیں اور کسی نے ہمیں چھیڑا تو اسے چھوڑیں گے نہیں'۔
سابق وزیراعلیٰ نے کہا کہ یہ نیا بھارت ہے جس پر ہمیں فخر ہے۔
انہوں نے کہا کہ 'مودی کی قیادت میں ملک آگے بڑھ رہا ہے لیکن کچھ ایسے لوگ ہیں جنہیں آگے بڑھتا ہوا بھارت پسند نہیں ہے'۔
انہوں نے کہا کہ 'یہ وہ لوگ ہیں جو مودی کی مخالفت کرتے کرتے ملک کی مخالفت کرنے لگے ہیں'۔
