آسمانی بجلی سے اموات پر شیوراج کا اظہار افسوس

چوہان نے ٹویٹ میں لکھا ہے کہ 'بہار اور اتر پردیش میں بجلی گرنے سے متعدد شہریوں کی موت کے بارے میں انتہائی افسوسناک اور دل دہلا دینے والی خبر موصول ہوئی ہے۔ میں خدا سے دعا کرتا ہوں کہ وہ مرنے والوں کی روح کو سکون عطا کرے۔'

ریاست مدھیہ پردیش کے وزیر اعلی شیوراج سنگھ چوہان نے بہار اور اتر پردیش میں آسمانی بجلی گرنے سے متعدد شہریوں کی موت پر اظہار افسوس کیا ہے۔

چوہان نے ٹویٹ میں لکھا ہے کہ 'بہار اور اتر پردیش میں بجلی گرنے سے متعدد شہریوں کی موت کے بارے میں انتہائی افسوسناک اور دل دہلا دینے والی خبر موصول ہوئی ہے۔ میں خدا سے دعا کرتا ہوں کہ وہ مرنے والوں کی روح کو سکون عطا کرے اور متوفیوں کے لواحقین کو یہ تکلیف برداشت کرنے کی طاقت دے'۔

شیو راج نے عام شہریوں کی موت پر اظہار افسوس کیا

وہیں انتظامیہ نے لوگوں سے گھروں میں محفوظ رہنے کی اپیل کی ہے۔

بہار کے وزیر اعلی نتیش کمار نے لوگوں سے خراب موسم میں پوری طرح سے الرٹ رہنے کی اپیل کی ہے۔

واضح رہے کہ 'جمعرات کے روز سے جاری زبردست بارش کے دوران بہار کے تمام اضلاع میں آسمانی بجلی کے باعث 105 افراد ہلاک ہوگئے ہیں۔ شمالی بہار کے بیشتر اضلاع میں الرٹ جاری کر دیا گیا ہے۔ محکمہ موسمیات نے اگلے 72 گھنٹوں میں 18 اضلاع میں موسلا دھار بارش سے متعلق انتباہ جاری کیا ہے۔