ریاست مدھیہ پردیش محکمۂ ثقافت کے زیر اہتمام بھوپال کے بھارت بھگوان میں ایک تقریب کا انعقاد ہوا۔ اس تقریب میں اردو زبان و ادب کے ساتھ ہندی، سنسکرت، ڈرامہ، آرٹسٹ و موسیقی کے میدان میں نمایاں کام کرنے والی ممتاز شخصیات کو 'ریاستی شکھر سمّان' سے سرفراز کیا گیا۔ Shikhar Samman Program held in Bhopal
اعزاز یافتہ ممتاز ادیب نعیم کوثر کہتے ہیں کہ 'یہ اعزاز صرف میرا ہی نہیں بلکہ میرے ان تمام پڑھنے والوں کے نام ہے جو 60 سال سے مجھے پڑھتے آرہے ہیں اور یہ میرے لیے باعث فخر ہے کہ میری تحریروں کو تسلیم کیا گیا ہے۔ ' Award winning writer Naeem Kausar on shikhar samman
انہوں نے کہا کہ 'حکومت ہندی، سنسکرت کے ساتھ ساتھ اردو زبان و ادب کی خدمت کرنے والوں کو بھی سرفراز کیا ہے۔'
اعزاز یافتہ اردو ادیب دیوی سرن کہتے ہیں کہ 'میں نے اپنی تحریروں میں بھوپال کے ان لوگوں کا ذکر کیا ہے جنہوں نے اپنی تحریروں کے نشان چھوڑے ہیں۔ میری 120 تحریروں کو حکومت کی سطح پر پسند کیا گیا ہے، اس کے لیے میں حکومت اور محکمۂ ثقافت کا شکریہ ادا کرتا ہوں۔' انہوں نے کہا 'اردو اور فارسی کی تعلیم سے میں نے اپنے تعلیمی سفر کا آغاز کیا تھا۔'
مدھیہ پردیش میں ثقافت کی وزیر اوشا ٹھاکر نے ریاستی شکھر سمّان پروگرام سے خطاب کیا اور ریاستی شکھر سمّان سے سرفراز کی گئی ممتاز شخصیات کو مبارکباد پیش کی۔ Usha Thakur congratulates Awarded personalities
