فرنیچر کی دکان سے بڑی مقدار میں غیرقانونی ساگون ضبط

بیتول میں ایک فرنیچر کی دکان سے بڑی مقدار میں ساگون کی لکڑی ضبط کی گئی ہے۔ حکام کا کہنا ہے کہ یہ غیر قانونی ساگون ہے۔

مدھیہ پردیش کے ضلع بیتول کے شاہ پور قصبہ میں آج محکمہ جنگلات کی ٹیم نے ایک فرنیچر کی دکان پر چھاپہ مارکر بڑی مقدار میں غیرقانونی ساگون کی لکڑی ضبط کی ہے۔

سرکاری ذرائع کے مطابق رینجر جی ایس پوار کی قیادت میں شاہ پور کے باشندہ امیش چودھری کی فرنیچر کی دکان میں صبح چھاپہ مارا گیا۔

اس دوران دکان سے بڑی مقدار میں غیرقانونی ساگون کے بنڈل ضبط کیے گئے۔

چھاپہ کے بعد فرنیچر کی دکان کو سیل کردیا گیا اور ملزم کے خلاف جنگلات ایکٹ کے تحت کارروائی شروع کردی گئی ہے۔