بھوپال کی تنظیم بزم طرب کے زیر اہتمام شعری نشست منعقد کی گئی، جس میں بھوپال کے شعراء نے شرکت کی۔
آج کی شعری نشست کا آغاز بھوپال کے مشہور شاعر عارف علی عارف نے نعت پاک سے کیا۔ ملاحظہ ہو ان کا کلام۔۔۔
نعت جا کر وہیں سنائیں ہم
روز کرتے ہیں یہ دعائیں ہم
جن کی عظمت بتاتا ہے خدا
ان کی عظمت کو کیا بتائے ہم
اس کے بعد بھوپال کے شاعر ایس ایم ایس سراج نے اپنا کلام
پیش کیا۔ ملاحظہ ہو ان کا کلام۔۔۔
پھر وہی شام انتظار اور میں
پھر میری چشم اشکبار اور میں
پھر تیرا خام وعدۂ پردہ
پھر میرا پختہ اعتبار اور میں
شعری نشست میں شاعرہ امبر عابد نے بھی اپنا بہترین کلام پیش کیا۔
اے خدا راکھ کے پتھر کو گوہر کر دینا
چڑھتے سورج کی تمازت کو شجر کر دینا
لے کہ نکلی ہوں میں اردو کا عصا ہاتھوں میں
موج دریا کو بھی راہ گزر کر دینا
ہر قدم پر راستہ کاٹا گیا میرا امبر
ہر قدم پر نئی ایک منزل مل گئی
ان کے علاوہ دیگر شعرا نے بھی اپنا کلام پیش کیا اور داد تحسین سے محظوظ ہوئے۔
