مدھیہ پردیش کے بروانی ضلع میں ایک احتجاجی مظاہرہ میں شرکت کرتے ہوئے میدھا پاٹکر نے فوری طور پر مزدوروں کے مسائل کو حل کرنے کا حکومت سے مطالبہ کیا۔
نرمدا بچاؤ آندولن کی روح رواں نے الزام عائد کیا کہ لاک ڈاون بغیر کسی منصوبہ بندی کے نافذ کردیا گیا جبکہ مرکزی اور ریاستی حکومتوں میں کوئی تال میل نہیں پایا جاتا۔
انہوں نے کہا کہ مزدور بغیر تنخواہ لئے اپنے گھروں کو روانہ ہورہے ہیں، انہیں مفت یا معمولی قیمت پر اجاج فراہم کیا جانا چاہئے۔
میدھاپاٹکر نے کہا کہ مزدور شاہراہوں پر بے بس بھٹک رہے ہیں۔ حکومت کی جانب سے پھنسے ہوئے طلبا کی مدد کی جارہی ہے جبکہ مزدوروں کی بھی مدد کی جانی چاہئے۔
انہوں نے تمام سماجی تنظیموں سے اس مسئلہ پر پرامن احتجاج کرنے کی اپیل کی۔ انہوں نے وزیراعظم کیئر فنڈ سے مزدوروں کو امداد فراہم کرنے کا بھی مطالبہ کیا۔
