تنظیم بھگت سنگھ دیوان بریگیڈ کے صدر آنند موہن ماتھو نے آج ایک پریس کانفرنس سے خطاب کرتے ہوئے کہا این پی آر کو سی اے اے اور این آر سی سے بھی زیادہ خطرناک قرار دیا۔
این پی آر، سی اے اے اور این سی آر سے زیادہ خطرناک
انہوں نے کہا کہ این آر پی کے دوران جو افسر آپ کے گھر آئیں گے وہیں طئے کریں گے کہ آپ شہری ہیں یا آپ کی شہریت پر کوئی شبہ ہے اور اگر افسر کی جانب سے کسی کی بھی شہریت پر شبہ ظاہر کیا جاتا ہے تو اسے حراستی کیمپ میں بھیج دیا جائے گا۔
آنند ماتھو نے این پی آر نہ کرانے کا حکومت سے مطالبہ کیا ہے۔
واضح رہے کہ تنظیم بھگت سنگھ دیوان بریگیڈ، سی اے اے قانون کے بنائے جانے کے بعد سے اندور میں اس قانون کے خلاف احتجاج کر رہی ہے جبکہ کچھ دن قبل مالوہ میں اس قانون کے خلاف بڑے پیمانہ پر جلسہ منعقد کیا گیا جس میں بلالحاظ مذہب و ملت ہزاروں افراد نے شرکت کی تھی۔
