بھوپال میں آج کورونا متاثرین 74 نئے معاملے سامنے آنے کے بعد ان کی تعداد 3119 ہوگئی ہے، جبکہ اب تک تقریباً 2450 افراد صحت مند بھی ہوئے ہیں۔
سرکاری ذرائع کے مطابق ہفتے کو بھوپال میں 61 کورونا متاثرین کے ملنے کے بعد آج مزید 74 افراد کی رپورٹ پازیٹیو آئی۔ یہاں متاثرین کی تعداد اب 3045 سے بڑھ کر 3119 ہوگئی ہے۔ بھوپال ضلع میں کورونا کے سبب اب تک 107 لوگوں کی موت ہوچکی ہیں۔
یہ بھی پڑھیں:مدھیہ پردیش میں کِل کورونا مہم کا آغاز
بھوپال کے چرایو ہسپتال سے آج 40 افراد کو کورونا سے جنگ جیتنے کے بعد ان کے گھروں کو روانہ کردیا گیا ہے۔ باقی لوگوں کا ہسپتال کے ادارہ جاتی کوارنٹائن سینٹر میں علاج چل رہا ہے۔
