بھوپال: ولی اللہ ولی نے بارگاہ رسالت میں نعت کا نذرانہ پیش کیا

عید میلاد النبی کے موقع پر جلسے، جلوس و نعت خوانی کا اہتمام کیا جاتا ہے، لیکن رواں برس کورونا وائرس کے پیش نظر اجتماعی طور پر اس کا اہتمام نہیں کیا جا رہا ہے۔

بھوپال کے شاعر اور ممتاز نعت خواں ولی اللہ ولی نے عید میلاد النبی کے موقع پر آپ صلی اللہ علیہ وسلم کی شان میں نے نعت کا نذرانہ پیش کیا۔ انہوں نے بارگاہ نبوی میں منظور خراج عقیدت پیش کیا۔

ہر طرف ہو رہی رسول کی باتیں

نیکیوں کے حصول کی باتیں۔

جوڑیے دل کو اپنے آقا سے

چھوڑیے اب فضول کی باتیں۔

گفتگو ہوتی مختصر جامع

آپ کرتے نہ طول کی باتیں۔

روشنی ملتی اہل ایمان کو

جب بھی کرتے نزول کی باتیں۔

ذکر الفت سے خوب ہی کیجئے

اہل بیت و بتول کی باتیں۔