ریاست مدھیہ پردیش کے دارالحکومت بھوپال میں ریاستی وزیر اوشاٹھاکر نے مدارس اور وقف بورڈ پر متنازعہ بیان دیا تھا جس کے بعد مسلم طبقے میں ناراضگی ہے۔
وہیں دوسری جانب مسلم تنظیموں نے متحدہو کرسخت مذمت کرتے ہوئے کہا کہ جس طرح بیان دیا گیا ہے وہ بہت افسوسناک ہیں، اور ہم اس کی سخت مذمت کرتے ہیں۔
تنظیموں نے ریاست کے وزیراعلیٰ شیوراج سنگھ چوہان نے ان سے مطالبہ کیا کہ 'انہیں برخاست کیا جائے، کیوں کہ ان کے اس بیان سے مسلم طبقہ کو ٹھیس پہنچی ہے'۔
تنظیموں نے کہا کہ پہلے اوشاٹھاکر کو مدارس کے بارے میں معلومات حاصل کرنا چاہیے، کیونکہ بھارت کے ان مدارس کی وجہ سے ہی وطن کا نام اونچا ہوتا رہا ہے، اور آزادی کی جنگ میں سب سے زیادہ حصہ لینے والے لوگ مدارس کے تھے۔
منشی پریم چند سے لے کر اے پی جی عبدالکلام صاحب تک مدارس تعلیم حاصل کر چکے ہیں، تنظیموں کے ذمہ داران کے مطابق یہ انتخابات کے وقت کیا جا رہا ہے جو پہلے کبھی نہیں کیا گیا۔
تنظیموں نے مزید کہا کہ جس سے بھی اس ملک کو خطرہ ہو اس کی جانچ کرنا چاہیے چاہے وہ مدارس یا پھر سرسوتی مندر یا پھر مذہب کے ذریعہ چلائے جانے والی تعلیمی سرگرمیاں۔
جس طرح اوشاٹھاکر نے بیان دیا ہے اس سے لاکھوں جنگ آزادی میں قربانیاں دینے والوں کی بےعزتی کی گئی ہے۔
وہیں اوشاٹھاکر نے مدارس پر بیان دیا ہے اس میں انہوں نے کہا کی مدھیہ پردیش وقف بورڈ کو جو ریاستی حکومت کی جانب سے گرانٹ دی جاتی ہے اسے بند کر دینا چاہیے۔
اس پر مسلم تنظیموں کا کہنا ہے کہ بے شک ہمیں گرانٹ نہ دیں، لیکن حکومت اپنے وقف املاک پر کیے گئے ناجائز قبضے ہٹادے۔
مسلم تنظیموں کا کہنا ہے کہ اگر ریاستی وزیر کے اس بیان کے بعد میں ان پر کوئی سخت قدم نہیں اٹھائے جاتے ہیں تو وہ کورٹ کا دروازہ کھٹکھٹائیں گے۔
