اترپردیش میں ہوئے عصمت دری معاملہ کے ساتھ مدھیہ پردیش میں بھی لگاتار پیش آرہے عصمت دری کے معاملوں کو لیکر بھوپال کی سبھی مسلم تنظیمیں تاریخی اقبال میدان پر سہ روزہ احتجاج کر رہی ہیں۔
احتجاج میں لوگوں نے اتر پردیش کے ہاتھرس سانحہ کے ملزمین کو پھانسی کی سزا دینے کا مطالبہ کیا۔ ساتھ ہی اس معاملے میں حکومتوں کے ذریعے کی گئی لاپروائی کی سخت مذمت کی گئی۔
احتجاج میں آئی خواتین اور لڑکیوں کا کہنا ہے کہ جس طرح کے جرائم ملک میں خواتین کے ساتھ پیش آ رہے ہیں، اس پر سخت قانون بنانے کی ضرورت ہے تاکہ اس طرح کے واقعات پر لگام لگائی جا سکے۔
مزید پڑھیں:
ہاتھرس ریپ متاثرہ کے اہلخانہ کو سکیوریٹی فراہم
آج اس سہ روزہ احتجاجی مظاہرہ کا آخری دن ہے اور آج کے دن یہاں مظاہرین نے جس طرح سے حکومتوں کے رویوں کو دیکھا ہے، اس کے مدنظر وزیر اعظم نریندر مودی، وزیر اعلی یوگی آدتیہ ناتھ اور وزیراعلی شیوراج سنگھ چوہان کو تحفے میں چوڑیوں کا نذرانہ بھیجا ہے۔
