ریاستی کانگریس نے اپنے ٹویٹ میں لکھا ہے ’آنجہانی سابق مرکزی وزیر مادھوراؤ سندھیا جی کے یوم پیدائش پر انہیں سلام۔ سندھیا جی کی نظریاتی عظمت ، سیاسی حکمت، اعلی اخلاقیات اور کانگریس کے لیے عزم آج بھی بھارتی سیاست کے سنگ میل ہیں اور ہمیشہ رہیں گے۔
سابق وزیر اعلی دگ وجے سنگھ نے ریاستی کانگریس کے اس ٹویٹ کو ری ٹویٹ کرتے ہوئے مسٹر سندھیا کو یاد کیا۔سابق مرکزی وزیر سریش پچوری نے ٹویٹ کے ذریعے مسٹر سندھیاکو یاد کرتے ہوئے کہا کہ سابق وزیر اعظم راجیو گاندھی کے خاص معاون آنجہانی سندھیا نے مختلف اعلی عہدوں پر رہتے ہوئے ہمیشہ ملک کے مفاد میں قابل ستائش اور ناقابل فراموش کام کئے۔
ریاستی کانگریس کے ترجمان پنکج چترویدی نے ٹویٹ میں لکھا ہے کہ مسٹر مادھوراؤ سندھیا کے یوم پیدائش پر سلام۔ مسٹر مادھوراؤ سندھیا آج بھی ہندوستانی سیاست کے لئے سنگ میل ہیں اور ہمیشہ رہیں گے۔
