کانگریس کے سینئر رہنما اور مدھیہ پردیش کے سابق وزیر اعلیٰ دگ وجے سنگھ نے کسان بل سے متعلق ٹوئیٹ کرکے اپنے خیالات کا اظہار کیا ۔اس ٹوئیٹ میں انہوں نے مودی حکومت، راجیہ سبھا کے ڈپٹی چیئرمین اور جیوتیرادتیہ سندھیا کو تنقید کا نشانہ بنایا۔
دگ وجے سنگھ نے ٹویٹ کرتے ہوئے کہا کہ ، 'آسان زبان میں بی جے پی نے منڈی، زرعی پیداوار کی کم سے کم قیمت وغیرہ جیسے جلد بازی میں لائے گئے قانون کے بارے میں سنیں اور سمجھیں۔ آخر کس طرح کسانوں کی قسمت مودی جی بڑے صنعتکاروں اور غیر ملکی کمپنیوں کے ہاتھ میں سونپ رہے ہیں۔
دگ وجے سنگھ نے کہا کہ 'ہریونش جی آپ جئے پرکاش جی کی انقلاب کے حامی اور چندر شیکھر جی کے پیروکار رہے ہیں' ۔آپ سے یہ توقع نہیں کی گئی تھی۔ انہوں نے کہا ، ذرا سوچئے کہ جب راجیہ سبھا کے ڈپٹی چیئرمین کے بارے میں لکھا جائے گا تو آپ کے بارے میں کیا لکھا جائے گا۔
وہیں انہوں نے ایک ٹویٹ میں کہا کہ ، 'مہاراج ، آپ کسانوں کے مفاد میں کمل ناتھ حکومت کے خلاف سڑک پر اترنے والے تھے۔آج کسان مخالف قانون کے خلاف پورے ملک میں کسان تحریک چل رہی ہے،کیا آپ ان کے حق میں سڑک پر اتریں گے؟دگ وجے سنگھ نے کہا کہ زرعی آرڈیننس کے ساتھ ملک کو آگے لے جانے کے بجائے اسے پیچھے دھکیلنے کی سازش کی جارہی ہے
