مدھیہ پردیش میں جاری سیاسی رسہ کشی کے درمیان ایک نیا معاملہ سامنے آیا ہے۔ اب ریاست کے جنگل وزیر امنگ سنگھار نے ٹویٹ کیا ہے، جس میں انہوں نے لکھا ہے کہ کمل ناتھ حکومت کو کوئی خطرہ نہیں ہے۔ یہ پورا معاملہ راجیہ سبھا جانے کے لیے ہوا ہے۔
ریاستی وزیر امنگ سنگھار نے لکھا کہ 'کمل ناتھ حکومت پوری طرح سے محفوظ ہے، اسے کوئی خطرہ نہیں ہے۔ یہ راجیہ سبھا میں جانے کی لڑائی ہے، باقی آپ سب سمجھدار ہیں۔'
اس ٹویٹ کے بعد اب ریاست کی سیاست میں کئی طرح کی قیاس آرائیاں جاری ہیں۔
غور طلب ہے کہ امنگ سنگھار کا یہ ٹویٹ ریاست میں کئی باتوں کی طرف اشارہ کر رہا ہے۔
وہیں امنگ سنگھار کے اس ٹویٹ پر بی جے پی کے میڈیا انچارج لوکیندر پاراشر نے ری ٹویٹ کرتے ہوئے لکھا ہے کہ امنگ سنگھار کے ٹویٹ سے کانگریس کا سارا کھیل سامنے آ گیا ہے۔
خیال رہے کہ اس سے قبل بھی امنگ سنگھار دگ وجے سنگھ کو بھی نشانہ بنا چکے ہیں۔
