اندور صوبہ میں کورونا کی دوسری لہر سے متاثرہ بچوں کی تعداد میں اضافہ ہورہا تھا اس سے تحفظ کے لیے انتظامیہ نے لاک ڈاؤن کا اعلان کیا تھا۔
وہیں لاک ڈاؤن کی خلاف ورزی کرنے والوں پر انتظامیہ کارروائی بھی کررہا ہے جس کے چلتے دو روز قبل اندور میں 20 سے زائد ٹھیلے والوں پر کارروائی کرتے ہوئے انہیں سیدھے جیل بھیج دیا گیا۔
اس پر کانگریس کے ترجمان ڈاکٹر امین الثوری نے پولیس انتظامیہ کو ایک میمورنڈم سونپا جس میں مطالبہ کیا کہ اسی علاقے میں بھارتیہ جنتا پارٹی کے رکن اسمبلی نے بھی لاک ڈاؤن کی خلاف ورزی کی ہے لہذا ان کے خلاف بھی کارروائی کی جائے۔
ڈاکٹر امین کا کہنا تھا کہ قانون سب کے لئے برابر ہے چاہے وہ کوئی بھی ہو اگر ٹھیلے والوں نے لاک ڈاؤن کی خلاف ورزی کی ہے تو ان کے خلاف قانونی کارروائی جائز ہے، مگر بی جے پی کے رکن اسمبلی نے بھی لاک ڈاؤن کی خلاف ورزی کی ہے پھر ان پر کارروائی کیوں نہیں کی جا رہی ہے۔ 'میں نے تمام ثبوت کے ساتھ میں انتظامیہ کو میمورنڈم سونپا ہے اور مطالبہ کیا ہے کہ اگر اس میں ایک بھی جھوٹ ہو تو مجھ پر کارروائی کی جائے نہیں تو رکن اسمبلی پر بھی کارروائی کریں، قانون سب کے لیے یکساں ہے۔
